تدمیہ (مقتول کا مرتے وقت کسی کا نام لینا)

تدمیہ مقتول کا موت سے پہلے یہ کہنا ہے کہ میرا خون فلاں کے ذمے ہے، یا فلاں نے مجھے قتل کیا۔ یہ مالکیہ کی اصطلاح ہے، اور وہ اسے قسامہ ثابت کرنے والے لوث میں شمار کرتے ہیں۔ ^{1 2}

مالکیہ کے نزدیک تدمیہ لوث ہے، اگر کہنے والا آزاد، مسلمان، بالغ اور عاقل ہو، دو عادل گواہ اس کا قول سنیں، وہ اپنے قول پر قائم رہے، اور مقتول کے جسم پر زخم ہو۔ اسے تدمیہ حمراء کہتے ہیں۔ امام لیث کے نزدیک تدمیہ پر عمل ہوتا ہے۔ ¹

جمہور کے نزدیک یہ مقتول کا دعویٰ ہے، اور لوگوں کو ان کے دعووں پر کچھ نہیں دیا جاتا۔ ¹

جس تدمیہ میں نہ زخم ہو نہ ضرب کا نشان، اس کا قبول کرنا مالکیہ کے مشہور قول میں نہیں، جب تک گواہ نہ ہوں۔ ²