ادلاء (نسب کے ذریعے تعلق، وراثت اور حضانت میں ترتیب)

لغت میں ادلاء کنویں میں ڈول اتارنے کو کہتے ہیں تاکہ پانی نکالا جائے، پھر مجازاً ہر چیز اتارنے یا پیش کرنے کے لیے بولا جانے لگا۔ «أدلى بحجته» یعنی دلیل پیش کی، «أدلى إليه بماله» یعنی مال اس کے سپرد کیا، اور «أدلى إلى الميت بالبنوة» یعنی بیٹے کے رشتے سے میت سے تعلق جوڑا۔ فقہاء کا استعمال اسی لغوی معنی سے الگ نہیں۔ ¹

فقہاء یہ لفظ زیادہ تر وراثت اور حضانت کے ابواب میں بولتے ہیں، جہاں نسب کے ادلاء سے مراد وہ تعلق ہے جو آدمی کو میت یا زیرِ حضانت بچے سے جوڑتا ہے۔ وہ براہِ راست تعلق رکھنے والے کو اس پر مقدم کرتے ہیں جو کسی اور کے واسطے سے تعلق رکھتا ہو، اور دو جہتوں سے تعلق رکھنے والے کو اس پر مقدم کرتے ہیں جو ایک ہی جہت سے رکھتا ہو۔ ¹